Jlöcksmoment
Männech eener jacht nom Jlöck,
on mäck bömm Jaare sech sällevs verröck.
Et Jlöck lött sech nit so einfach twenge,
weeder mött Jeld, Jold noch anger Denge!
Hat merr et Jlöck, lang hält et nit,
hengeno mött lä’esche Häng merr steht.
Dat Jlöck blivv nie en lange Tied,
et öss ens noh, dann wi’er wiet.
Nöjlech hodden werr enne Jlöcksmoment,
wie merr emm janz sällde kennt.
De Enkelin, aan Johre teen,
op irre Schu’et hält stolz däm Kleen.
De Kleen öss ald – maar jrad dree Mond,
on ausser Kleen-senn noch nit völl konnt.
Ävver ens, dat kooß de Kleen all maake,
hä ding janz sööt sinn Kusien aanlache.
Et wo’er e-su stolz, am lööte de Oore,
vörr Jlöck wo’ere werr all wie nöj-jebo’ere.
Dat send de Ooreblecke em Le’äve,
wovon merr wönscht, di soll et öfters jä’eve.
Merr kannse nit betaale möt Jold on Jeld,
on doduur send se et schönnste op d’r Welt.