Wenn man so en de Zeidung kicke deet, dann kann man sech bloß wongere, wat för exotische Names hützedaach de Eldere err Kenger jä-eve. Dat fällt tereck jeddem op.
Fröher jo-ev et och schon Lüt, die e Weet „Soraya“ (wie de Persische Kaiserin) hant dööpe loote. Dat hürde sich dann rischtisch no jet aan, wenn de Mam reep: „Soraya, stank ut die Kall op!“. En de DDR wo-er dat damals schon normal. Die hodde jo nix ze sare, äwwer örr Blare konnde die Names jä-eve, wie se wollde, denn dat wo-er so zemlich et Enzije, wat se durfde un dat hant se dann och uutjenotz.[inspic=85,center,fullscreen,320]
Un dann, wat dänne Promis so alles enfällt. „Yannick Noah“, „Jimmy Blue“ un so jet. Nu sent Herr un Frau Hagen ut Vi-esche bestemmt net ut de DDR un och kenn Promis, se nenne örre Blach äwwer trotzdem „Kira Emma Gabriel“. Sting so en die Zeidung. Do wet man noch neddens, op dat enne Boosch odder e Weet es. Ech han enne Kamerod en de Schöll jehat, dä heeschte „Hermann Josef Hummelsheim“. Dat woar noch jet, dat hott Klang, dat mott man sech enns laut vürsare!<
Nu kann ennem dat jo eijentlich zemlich ejal sen. Äwwer örjeswie hätt man dat domme Jeföhl, dat de eje Pänz ens mött enne „Kolumbus“ odder „Knatterton“, enn „Miramar“ odder „Menetekela“ aanjeschlepp komme. Dann stehste do.
E bisske Hoffnung kräch man e paar Daach später en en angere Zeidung. Do jo-ev et enne Paul (Wollensack), enne Anton (Beeck), enne Oskar (Pohl), en Martha (Ballerstein), en Maria (Bruckhardt) un en Lise (Nießen) op eene Schlach.
Um nu op dat Vörrije teröck te komme: Nu stell dich vür, die Eldere wü-ere och möt de Names so jeck jewäss. Dann wü-ede die Dötz Knatterton Wollensack odder Miramar Ballerstein heesche. Nä, wie furchbar, die ärm Kenger!
Dat ess dänne jo nu Jott sei Dank erspart jebli-eve.
© Text: Manfred Dülpers 2007